2019 жылдың 23 қарашасында сағат 11.30-да Т.Жүргенов атындағы Қазақ Ұлттық Өнер академиясы мектеп-интернатының кітапханасында «Шынайы болу дегеніміз не?» тақырыбында 7а, 7б сыныптар арасында «Саналы ұрпақ» клубының жоспары бойынша ашық сабақ жүргізілді. Ұйымдастырушылар 7 сынып жетекшілері Л.М.Касымбекова, Г.К.Жармышева. Бейнелі және ұғымды ойлауының, есте сақтауының, анализ жасауының қалыптасуына ықпал ету. Қоғамның адамгершілік нормаларын құрметтеуге, адамгершілік қағидаларын саналы түрде орындауға, шынайылық пен адалдыққа тәрбиелеу. Ашық сабақ аясында Т.Жүргенов атындағы ҚазҰӨА «Құқықтану» пәнінің оқытушысы Г.Е.Себепова оқушыларға адамгершілік нормалары, ар-ұят, сыбайлас жемқорлыққа байланысты және ар-намыс кодексі жайлы түсіндіріп, көзқарастарын қалыптастыруда мәлімет айтты. Слайдтар бойынша оқушылармен пікір алмастық.