22 ақпан 2018 жылы Т. Жүргенов атындағы Қазақ Ұлттық өнер академиясы мектеп – интернатында «Мұқағали – мәңгілік ғұмыр» атты әдеби-сазды кеш өтті.
Кештің мақсаты: aқиық ақын Мұқағали Мақатаевтың өмірі мен шығармашылығын таныту, ақындық талантын шәкірт жүрегіне ұялату, поэзияға деген қызығушылығын арттыру, өлеңдерінің тәрбиелік мәнін түсіндіру. Оқушылардың поэзияға деген ынтасын, көркемсөз оқу шеберлігін арттыру, ізденімпаздық қасиеттерін қалыптастыру, Отанды сүюге, адамгершілікке, өнерді, сезімді бағалауға тәрбиелеу.
Өлмес өнері – өлеңмен жалпақ елінің жүрегіне жол тауып, бүкіл халықтың сүйіспеншілігіне бөленген ұлы перзентінің ұрпаққа ұран болған жырларын елі де ешқашан есінен шығармағаны анық. Ақының өміршіл өлеңі, артында қалған асыл мұрасы өмірдегі қандай сыйға болса да лайық дейміз.
