Т.Жүргенов атындағы Қазақ Ұлттық өнер академиясы, колледжінің сурет пәнінің оқытушысы, КСРО Суретшілер Одағының мүшесі, Ғұбашев Асылбек Ахметұлы Атырау облысы Шаймардан Сариев атындағы көркем сурет және қолданбалы сәндік өнер музейінің ұсынысымен 2017 жылдың 10 мамыр айында Атырау қаласында жеке шығармашылық көрмесін өткізді. Бұл көрменің мақсаты: бейнелеу өнерінің адам өміріндегі негізгі алатын орнын айқындап, болашақ өсіп келе жатқан жас ұрпақтың бейнелеу өнерінің маңызды орны бар екендігін жеткізу. Көрмеге автордың 75-ге жуық шығармашылық туындылары ұсынылды. Көрменің ұйымдастырылуы өте жоғары деңгейде болды. Облыстық мәдениет мұрағаттар және құжаттар басқармасы Ә. Жоламановтың алғыс хаты және музей басшысының орынбасары Ж.Аманиязовтың ықыластары зор болды.
