Т. Жүргенов атындағы ҚазҰӨА -ың мектеп-интернат, колледжінде 1-қырқүйек Білім күніне арналған «Мен өз Отанымның патриотымын» атты салтанатты мерекелік іс-шара өтті. Мектеп оқушылары мен студенттер үшін тағы да білім есігі ашылды.
Ғылыми жұмыс жөніндегі проректор Халықов Қ. З. және мектеп-интернат, колледжінің басшысы Жумахметова З. Ж. жаңа оқу жылының басталуымен құттықтап, барлығына оқуда және шығармашылықта үлкен табыстар тіледі. Мектеп-интернат және колледж оқушылары мұғалімдері мен қонақтарды ән-бимен қуантты.
Мерекелік жиыннан кейін барлық топтарда және сыныптарда “Болашаққа бағдар: Рухани жаңғыру”, “Астана – менің мақтанышым”, “Қазақстандық азаматтылық және патриотизм” және т. б. тақырыптарда ашық сабақтар өтті.
