Т.Жүргенов атындағы Қазақ ұлттық өнер академиясы
МЕКТЕП-ИНТЕРНАТ, КОЛЛЕДЖ
Соңғы zoom-қоңырау!
Последний zoom-звонок!
25 мамыр күні сағат сағат 11:00-де мектеп оқушыларының «Мектебіммен бірге өстім!», 12:00-де колледж студенттерінің
«Қош бол, алтын ұям, колледжім!» тақырыбымен мерекелік салтанатты zoom — жиыны өтті.
Салтанатты жиынды Т.Жүргенов атындағы Қазақ ұлттық өнер академиясының ғылыми жұмыстар жөніндегі проректоры Қ.З.Халыков және мектеп-интернат, колледж басшысы З.Ж.Жумахметовақұттықтау сөздермен ашты.
7,9 сынып оқушылары, 1,3 курс студенттері жүректен шыққан ұстаздарға деген алғыс, тілектерін айтты. 9 сынып оқушысы Үйсіпқазы Таңдана және 1 курс студенті Абдукаликова Зейникамал соңғы қоңырауға арналған өз шығармаларын оқыды.
Сонымен қатар ата-аналар Жанар Маукасымқызы. Сағулова Айгуль. Ангелина Владимировна, Нұржан Шынар , Тәжібай Бақытгуль, Ольга Вячеславна, Жанна Жуматаевна, Жантілеуова Раис, Джамиля Жалоловна және Муратбек Рахманкулович мектеп-интернат, колледж ұжымына зор алғыстарын айтып, еліміздің болашағын тәрбиелеуде зор жетістіктерге жетіп, ерен еңбектерінің жемісті болуын тіледі.
Колледждің 2000 оқу жылғы түлегі — Байзаков Сабыр (Түркия елінен), 2005 оқу жылғы түлегі – Баязитов Ғалымжан (Нұр-Сұлтан қаласы) және 2010 оқу жылғы түлегі – Төлепов Артур (Алматы қаласы) видеоқұттықтау жолдады.
