«Жас-Art» I Халықаралық колледж студенттерінің театр фестивалі ЕРЕЖЕСІ
ҚАЗАҚСТАН РЕСПУБЛИКАСЫ МӘДЕНИЕТ ЖӘНЕ СПОРТ МИНИСТРЛІГІ
Т.ЖҮРГЕНОВ АТЫНДАҒЫ ҚАЗАҚ ҰЛТТЫҚ ӨНЕР АКАДЕМИЯСЫ
КОЛЛЕДЖ
«Жас-Art» I Халықаралық колледж студенттерінің театр фестивалі
ЕРЕЖЕСІ
Т.Жүргенов атындағы Қазақ Ұлттық өнер академиясының колледжі 2016 жылдың 3-6 сәуір күндері Қазақ өнерінің көрнекті қайраткері, ҚССР-ң Халық әртісі Кәукен Кенжетаевтың 100 – жылдық мерейтойына арналып «Жас-Art» I Халықаралық колледж студенттерінің театр фестивалін өткізеді. Фестиваль аясында «Этюд», «Әнші-актер» номинацияларынан байқау және мастер – класстар өтеді.
Фестивальға актерлік өнер мамандығында оқитын колледж студенттері шақырылады.
Фестивальдың мақсаты – дарынды жасөспірімдерді анықтау және шығармашылық белсенділігін арттыруға ынталандырумен қатар жас буынға адамгершілк – патриоттық тәрбие беру. Қазақстанның мәдениеті мен дәстүрін, отандық тарихқа, мәдениетіне, өнеріне қызығушылықтарын нығайтуға, шетелден келген студенттерінің шығармашылық бірлестіктерінің тәжірибесімен алмасуға және қарым-қатынас орнатып, жағдай жасауға бағытталған.
Фестиваль барысында Т.Жүргенов атындағы Қазақ Ұлттық өнер академиясының профессорлары мен оқытушылары, ҚР өнер шеберлері және шетел оқу орындары оқытушыларының қатысуымен өнер, мәдениет, білімге байланысты өзекті мәселелер тақырыбында конференция, дөңгелек үстел және мастер-класстар ұйымдастырылады.
- Фестивальдің мақсаттары
– Қазақстанның өнері мен мәдениетін болашақ ұрпаққа насихаттау, дарынды жастарды тәрбиелеу;
– ел болашағы саналатын жастарға қолдау жасап, шығармашылық деңгейлерін көтеру;
– актер өнерін жан-жақты насихаттап, жас ұрпақтың рухани ұстамына айналдыру;
– дарынды жастардың орындау шеберлігінің шыңдалуына, өнер қанатын кеңге жайып, көпшіліккке кеңінен танылуына мүмкіндік жасау;
– жастардың эстетикалық тұрғыда тәрбиеленуіне, ұлттық және әлемдік мәдениет құндылықтарын дәріптеуіне ықпал ету;
– әр елдің актерлық мектептерінің дәстүрімен таныстыру;
– әр елдің жас актерімен достық, мәдени және шығармашылық байланысын нығайту және дамыту;
– әр елден келген қатысушы дарынды жасөспірімдердің жетістіктерімен өзара бөлісу, тәжірибе алмасу.
- Фестивальді ұйымдастыру және өткізу тәртібі
– Этюдқа қажетті костюм, реквизит, бутафория қатысушының өзінен;
– үміткер шығарманы жанды дауыспен орындауы қажет;
– қатысушы әншілер концертмейстермен қамтамасыз етіледі;
– шеберлік класстар өткізу;
– мәдени іс-шаралар өткізу, концерт, спектакль тамашалау;
– жеңімпаздарды марапаттау салтанаты.
- Фестивальдің номинациялары:
– «Этюд»
– «Әнші-актер»
«Этюд»номинациясына 1- 5 студент қатыса алады. Орындау уақыты– 4 минут.
Қатысушылар қиялынан туған, оқиғаға құрылған жеке этюд (жансыз затқа жан бітіру, хайуанаттар өміріне немесе адам өміріне этюдтер), серіктес этюд немесе топтық этюд көрсетуі қажет.
«Әнші-актер» номинациясынан 2 шығарма – ән және халық әнін- орындау қажет. 1-ші шығарма – ән – романс немесе музыкалық спектакль, кинофильмдерден ән, әлем классикалық музыкасынан ән, белгілі композиторлардың әндері немесе К.Кенжетаевтың репертуарынан ән.
2-ші шығарма–халық әні- қазақ халық әні немесе әлем халықтарының әні.
- Қазылар алқасы Фестиваль барысында қазылар алқасына Қазақстан Республикасының белгілі өнер қайраткерлері, кәсіби педагогтар мен режиссерлары шақырылады. Қазылар алқасы шешімімен жүлделі орындарды айқындап, барлық орындарға жүлде тағайындауға құқылы.Қатысушылардың жұмыстарын бағалау қазылар алқасының жабық дауыс беруі арқылы жургізіледі.
- Бағалау критерийлері
«Этюд» номинациясы бойынша:
– этюд – актердің актер шеберлігі элементтерін игерудегі саражолы;
– этюдтің тақырыбы мен мақсатын айқындау;
– орындаушының сахнадағы серіктесімен (серіктестерімен) ішкі және сыртқы актер техникасы арқылы көркем бейнесін тудыра білуі.
«Әнші-актер» номинациясы бойынша:
– шығарманың мазмұнын ашу; – интонациялық тазалық; – вокалдық-техникалық мүмкіндігі; – сахна мәдениеті.
- Жүлделер мен мадақтамалар Фестивальға қатысушылар диплом, ескерткіш сыйлықтармен және алғыс хаттармен марапатталады.
- Ұйымдастыру – техникалық талаптары Фестивальға қатысушы электрондық почта арқылы (3х4) жеке суретін, өтінішін (№1 Қосымшаны) жіберуі тиіс. Jasart@mail.ru Өтініш 2016 жылдың 4 наурызына дейін қабылданады. Мастер- класын өткізетін жетекшілер, ұстаздар 2016 жылдың 4 наурызына дейін номинациялар бойынша тақырыптарын өтініште көрсетулері тиісті. Мастер-класс өткізуші өзімен бірге қажетті көрнекі әдістемелік оқу құралдарын ала келуі тиіс.
- Қатысу шарттары Фестивальға колледж актерлік өнер мамандығында оқитын 1-4 курстар студенттері қатыса алады. «Этюд» номинациясынан байқауға әр оқу орнынан 1 жетекші, 1-5 студент; «Әнші-актер» номинациясы бойынша әр оқу орнынан 1 жетекші, 1-3 студент қатыса алады.
Қатысушы мекеменің ұйғаруы бойынша бір студент екі номинацияға да қатысуы мүмкін.
Іріктеуден өткен әр қатысушы және әр жетекшінің фестивальға қатысу төлемақысы – 10 000теңге. (келгеннен кейін төленуі керек) Келіп-кету жол ақысын қатысушылар өздері төлейді. Қалған шығындар ұйымдастырушылар есебінен.
Ұйымдастырушылық төлемақысына кіретіндер: – трансфер; – жатақханада тұру; – 3 уақыт тамақтану; – марапаттау қоры; – қалаға саяхат жасау, концерттік бағдарлама;
- Өткізілетін орны мен уақыты «Жас-Art» I Халықаралық колледж студенттерінің театр фестивалі 3.04.2016ж. – 6.04.2016ж. аралығында Алматы қаласы Т.Жүргенов атындағы Қазақ Ұлттық өнер академиясының колледжінде өтеді (Каблуков көшесі,133).
- Координаторлар: Алтыбаева Лиза Нажмеденовна 8705 335 77 33, е_liza @ list.ru Смагулова Айнур Сағитжановна 87715571026 Jasart@mail.ru
Байдильдаева Шолпан Нұрбековна 87017459637
Келу уақыты: 3.04.2016 ж. сағат 19.00-ге дейін (жергілікті уақыт).
Оралу уақыты: 6.04.2016 ж. сағат 18.00-ге дейін (жергілікті
